Tataramon kan sarong ina para sa sarong dise otso anyos na daraga na biktima kan panlulugos

POSTED ON May 11, 2017 at 4:44 pm

Kun kaya mong buhayon an mga nguhod mo, ipa preso mo si ama mo “

Ini an panaramon kan sarong ina sa sarong dise otso anyos na daraga na biktima nin pang aabuso sekswal kan sadiring ama .

Nagpadesir sa Malinao MPS an biktima para magpahayag nin pag atras sa kasong rape na ipigsangat laban sa saiyang ama pormedyo sa grabeng pagtios.

Sa istorya kan biktima sa PNP, sa edad na 13 anyos kan taong 2013, tolong beses siyang inabuso sekswal kan ama na sa paghuna niya normal sana ang siring na gibo asin bako maraot.

Kan edad na 18 naglaog bilang katabang sa manila alagad nakahiling nin programa sa telebisyon nin may siring na palabas asin duman niya nasabutan na sarong pang aabuso an piggigibo kan saiyang ama sa saiya.

Kan pag uli sa malinao pormal na ipigreklamo an saiyang ama alagad ipigpasabot kan ina an mga konsekwensya.

An pamilya kan biktima iyu an nakaerok sa sarong upland barangay kan malinao kunsain daing mga kataraning asin dai nakatuntong nin eskwelahan an mga aki .

Solamenting an ama an naghahanapbuhay para sa pamilya.